Happy Chin National Day everyone! CND tak ngai cu kan phan rih hna lo asi nain ram dang tam deuh um mi cu kan tuah ngawt dih cang men lai! A nuam taktak tukum cu,tha a ba ngai nain a phu tuk hringhran ko. A nuam tuk ti leng cun a chim awk um ti lo bia a dih! ;D Ca tam ka tial lai lo i hmanthlak tu tam pi tu in ka rak post deuh lai ee.

Likes

Comments

Contains affiliate links

Hola Amigos! Summer lai cu sau ngai a duh rih ko nain summer ngeih lung in summer outfits inspo tlawmpal ka rak thlah hna. A tu lio hi khua a lum deuh nak le summer caan a si lio nak zong a um tik ah mah ban tuk caan i hruk khawh ding tete tiah ka ruah mi hna tlawmpal outfits pawl an si.Tu lio a kik nak ram um mi kan caah cun cheukhat outfits pawl i hruk ding ngai ah cun a keih deuh men lai lo. Asi nain cheukhat dawr pawl cu summer thil tete zong an chiah pah cang hna i ka mit an thi tuk caah ka cawk cia hna.

A liang lang mi hna hi cu a kik tuk lai i celh si lai lo! xD Nain date kal nak heiti b-day party ti ban tuk kal nak hruk ding cun a tha ngai ko lai kati. Jeans bawngbi ngan ngai in a tlek mi bel te cu a si te si kho bak lo a kik tuk ai. A chung ah legging i hruk chih cun a tlamtling ngai. Outfits pawl hi cu BikBok le Na-kd an thil pawl ansi,Na-kd hi cu a dang ka blog ah ka rak hlah cang ban tuk khan an thil pawl quality a mak ko. A that nak cu Free worldwide zong asi i free return zong a si i an webbside rak zoh cio ve te uh tiah kan recommend duh hna. Bikbok bal te hi cu ram kip cu an kua hna lo,Europe chung deuh lawng hi asi. Zoh duh mi caah an link pawl a tang lei ah ka rak share chih hna! <3

Mah top te hi cu a webbside ah a um ti lo,a dawr ah a um kho mi asi a dawr cu BikBok.com timi ah um lai!

Likes

Comments

I'm back!!! Caan sau pi ka dinh hnu ah tuni cun ka rak kir than cang i lung a nuam dom khi si! a dongh nak ka blog ka rak tial mi ah khan cun phung hman tein thlah khawh ka zuam lai ka rak ti ko. Nain ka chim ning in ka rak thlah thiam hoi lo kum dongh lai asi pah,ka uu le kanu kawlram lei an tlun si pah cun ka lilen pah hna a rak si fawn tik ah a uai bak in ka uai. Rian ttuan lawng te in caan ka la a ruang cu inn ah keimah pi lawng ka um hrim cun ka lilen ka celh lo,a caan hna cun zing lei hna lawng ttuan ding mi zong zaan tiang lawlaw hna ka peh/ttuan. Rian ttuan nak ah khua ka sa mi hna khi a lo,ka ttin i ka ei cun ih i zing tho in ttuan than ti ban tuk lawng te asi ko mah tik ah Blog lei hrim caan ka pe kho ti lo.

Nain a tu cun mah ti khan a si ti lo in Blog,rian lei cun siangin lei mah hna 3 lawng focus cem ding ka timh mi an si cang ko i ka dai thlang hrim ti lai lo! Thlah ding hrim tam pi plan ka ngei cun a si khawh cun vlog zong tuah ka tim i rak i ngaih ko uh!!Hehe

Zei dang chim ti lo in kawlram lei in a ra mi a min thang ngai mi Bella cosmetic le Saisai cosmetic kong tlawmpal ka rak tial lai. An min thang tluk in an tha ve maw timi kong zong asi chih fawn lai.

Ka ruah nak leng in an tha ngai ko hna nain Bella bal te ka uar deuh lo nak pakhat cu ka thuh i a ro dih hnu tlawmpal cun ka hmur a phi ban tuk a car colh. Cun Saisai hrim hi cu cawk phu hrimhrim asi sau zong a khang pin ah ka hmur zong a car ti lo cun a mil tein a mil. . An men zong cu aa hlau tuk ve i Saisai hi kawlram phaisa in 12000 hrawng si cun Bella hi 4000.hrawng si.

Gummies bear te hi social media ah ka hmuh leng mang mi asi i test ka duh nak a rak sau tak cang tuni hin ka voikhat nak ka test si hi a phi zei dek a lawh te lai. A cheu nih cun sam caah a tha tuk an ti mi cheu nih cun zei hmanh aa dang nak um lo an ti tik ah mah i result theih ka duh pah ah keimah hrim nih ka test ve. Mah vitamin hi nu ca lawng si lo in pa ca zong asi ve thiam, sam tthan har deuh mi le sam kheu thar mi a feh ter deuh fawn.

Likes

Comments

Contains affiliate links

Blog ka rak thlah lo nak a sau ngai tak cang,a ngaih zong ka ngai bak cang. Chikhat te ka vun i din ta aruang cu caan ka pe kho deuh lo ngai te nai hrawng cu. Nain a tu cun punghman teinn rak thlah khawh ka zuam than cang lai. Tuzing zarhpi ni cu phundang ngaingai asi. Christmas a cuu phun in pumh lai te ah chuncaw ei tti ding ah kan chung tein kan va ei hna,aruang cu tukum hi kan chung tein X'mas hmang tti kho ding kan si lo i. Kanu le ka uu laitlang lei ah tlung ding an si hna i a dongnak tukum chung ah lunch kan ei tti ti awk khi asi. Khat lei cun ka ngaih hna khi a chia pah voidang kum fate kan chung tein X'mas hmang tti i tukum hna hmang tti khawh lo ding le a dang dang in va hmang lai ding khi. Asi nain that nak tu in ruah khawh a hau cang ko. Kum 10/15 hnu pi ah laitlang lei tlun khi cu ngaih phu bak asi,Alingsas lei um mi hi cu an tlung dih hnik ti awk si i hngar an um ko. Hmaikum hi cu tlun ve bak hau cang dam tein um ah cun.

Kawlram lei tlun nak tete ka uu nih Vlog a rak tuah te lai i thazaang le subscribe rak pe cio ve uh law tiah kan sawm duh hna.

Link : https://www.youtube.com/user/runsuipar

Likes

Comments

Thla thih zong si cun X'mas lai zong si i ho poah lakhah hmuh kaa cio si lai cun shopping kal mi hna tam pah ttheu lai dah. Tu ten cu thil puan shopping silo in make-up shopping ti tu si deuh cang ko rua hih! Make-up dawr ka luh cang hin cun chuah ka harh bak ko,ka zoh deuh hna ah ka mit an thi tuk hna ai! Haha Nai hrawng cu Mac le Anastasia nih hin a ka suai ngai te an that pin ah sau tak bak aa hmang kho. Make-up ah hin men fawi mi le men fak mi aa dang bak ko keimah hmuh ning ah cun sau zong kan hmang kho hna i kan hmai zong a tha deuh in ka hmuh. Kei cu hlan cun make-up ciocio tiah men fawi tak tak mi pawl ka rak hmang tawn hna nain sau zong an khang lo i an phiat colh leng mang. Cun ka hmai zong a chia deuh khun in ka hmuh hna.

Sau deuh men fawi mi pawl ka hman hnu ah make-up dang cu kaa hleng i,aa dang tuk ning. Sau tak bak a taang i fawi tein phiat khawh asi lo. Make-up lei ah a tha tiah ka hmuh mi pawl cu Mac,Anastasia le Smasbox pawl hi an si. A dang zong a tha mi le a men fawi mi zong an tam pi ko lai nain ka hman cem bik le a tha bik tiah keimah ka hmuh ning an si hna.

Tuni chun cu dawr kan i chawh dih tlawmpal cun Espresso ah ka uu le Dawtdawt he tiah kan thu hna i bia hna kan i ruah hna hin cun kan bia a dong ti lo,sau ngai kan thu hoi hna. Nikhua hna a chia pah khua hna sik pah mah i hot chocolate te vun din pah Christmas hla hna ngaih pah a nuam ngai tei!:D Nain kei hi cu tukum cun X'mas zong kaa ngeih kho lo,tukum tu hi dih zawk seh ti lawng aa duh cang ko. X'mas le kum thar mah lawng hman lai ding ka ruah ko ah hin bia dih!xD A chim awk um ti lo,zei ti awk dah tha i hnek hau ko lai hih.

Kal nak poah ah hman va thlak ta lo cun si thiam ti lo dawh si,ka hobby pakhat si ve cang ko rua! xD

Likes

Comments

Kum zei zah dah na si? Na single maw?

Ka kum 21 ka si and yes ka single ko

You have such a flawless skin,what product do you use?

Ka hmai hi cu a tha bak lo,a that caan te a um i ka hmai caah ka hman mi hi product zong a um tuk fawn lo. Hmai phiah nak ah ka hman mi cu LA Roche-Posay timi si i hmai bo mi ca,hmai a sensitive mi pawl caah le hmai fet a ngeih mi caah si i a tha bak kan recommend tuk hna. Cun ka hmai thuh (cream) ah hin cun Loreal Paris Aloe Water Dry timi ka hman.

Zei camera dah na hmang?

Camera ka hman mi cu Canon G7x Mark ll si.

Tu na um nak khan maw um peng na timh? A dang country hna ah kal na tim maw?

A tu ka um nak hin cun um peng cu ka tim lo nain a tu tiang ah hin cun keimah zong ka fiang ve rih lo khoika khua tak ngai um ka duh timi cu. A dang country kal ti cu kei hi khual tlawn ka uar ngai mi le ka huam ngai mi si hi hmailei ka timh ning cun khual tlawn khawh peng hi asi ko.

What country do you want to visit the most?

A har ngai te mah Q te cu xD Ram phak ka duh bik mi ti hi a um rih rua lo ka ruah deuhdeuh ah phak dih cio ka duh hna. Nain top 3 tu ka kal duh cem nak si seh law Greece,Australia le USA.

What's your favorite song?

Ka favorite hla hin cun Westlife hla Beautiful in white timi kha asi,voi tam pi ka ngaih ko zong ah a ka simh kho bak lo mi si!Hehe

Nu caah kum zeizah si ah dah pasal neih cuu na ti? Pa caah zong ah cuzat cun nupi neih an za ti nangmah nih na ruahnka/hmuh ning?

Nu caah pasal ngeih a za tiah ka ruahning/hmuh cu kum 24/25 hrawng hi a za bak tiah ka ruah cun pa caah hin cun 27/28 hrawng hi an za tiah ka ruah fawn.

Kum zei zah hrawng ah dah pasal ngeih na duh/timh?

kum 25 hrawng kasi cun pasal ngeih ah cun a za cang ko kati ka ton asi cun mu!xD Nain kei hi cu siangin ka dih hlan lo hin cun chim khawh si lo,zei tik dah siangin ka dih lai zong aa fiang lo i ka va dih tik poah ah ngeih dawh si te ko men lai dah.

Na pasal caah na saduhthah le na uar phun?

Ka pasal caah ka saduhthah mi cu zumh awk tlak tein a um mi,kasi ning tein a ka co hlan mi,lungthiang tein a ka daw mi le a lungsau mi. Ka uar phun ah hin cun a social mi, a honest mi le a romantic pah mi! hehe

what's your current job?

Tu lio ka ttuan mi hi nurse assistant ka tuan lio si.

Zei ban tuk caan te khi dah na philh khawh lo caan le na nuamh cem caan asi?

Ka philh khawh lo caan le ka nuamh bik caan te ah pa hnih te a um mah cu kum 5 hnu ka nu ka ton ti lo hnu ah sweden ka phak kaa kanu he kan i ton lio ma cu ka nuamh bik le ka philh khawh lo bik mi pakhat cu si. Cun pa hnih nak cun graduated ka lak lio,siangin i one step te i lim a nuamh zia le hna ngam tuk a si ning khi ka philh kho lo. A tu hmanh hin lak than ka duh! Haha


Likes

Comments

Tuni cu voidang nak in thil a tlamtling deuh ngai cang cu hlei ah ka tuah tawn mi tuah zong ka lung tho than cang fawn. Mah ti ka chim tik ah zei ko dah a cang hnga tiah nan ruah ko lai dah. Nai hrawng cu thil a tlamtling lo nak tete a tam ngai cun rian lei zong in extra hna ka tuan tik ah, ka blog thlah ka timh mi le ka ruah mi pawl zong ka rak thlah kho hna lo. Rak update hrim khi ka lung ah a chuak lo ka problem te nih a ka nenh ngai caah. Nain a phung si ko a caan cun nuamh nak kan ton caan um lai i ngaihchiat nak kan ton caan zong a um lai. Tuzarh chung cu rian lei zong in siseh gym zong in i dinh dih i inn lei tu ah ka tlung. Rian ttuan lo bak khi ka tim rengreng cun kanu zong inn lei a tlun lio te asi ve i kan i hmuh lo nak zong a sau tiah a um lio te ah um ve khi ka duh le nizaan monday ah khan ka tlung. Inn ka phak cun ka tha a dam ning le ka thinlung a dam ning. Inn chung ka luh le cang kaa in kanu nih cun a ka kuh colh hin cun ka thinlung a dam tuk,mah te cu ka rak herh bik mi a rak si ko rua. Har nak kan ton caan te ah kan nu le sin te kan um hin cun hna a ngam tuk hringhran ko.

Ca tam tial lo in ka outfit hmanthlak tu tam deuh ka rak thlah lawlaw! :D Cun Phun 20 keimah kong ka tial mi ah khan tam deuh tial seh ti aka duh piak mi nan um pah caah next time ah ka tuah than lai. Nain a tuten cun Q&A phun tu in ka tuah lai caah questions tu in rak ka hal te uh law tiah kan sawm hna! <3

Ka social media tu ah hal khawh si! <3

Facebook : Anusung Darkhua

Instagram : Anusung_darkhua

Snapchat : Anusung

Likes

Comments

Contains affiliate links

Blog ka thlah lo nak ni 5 te lawng asi ko nain sau tuk te bak ka lawh ter ka rian ka dinh caan a sau bia maw si hnga zei dek. Tuzing cu ruah lo piin ka uu he dawr ah rawl kan ei i va i chawh pah dingin ka sawm. Rian ttuan lo caan ah hin cun tuah ding tak hi theih asi lo,hawi le he i ton ti ah le khua dang um cun aa tong kho hoi lo. Van that ah ka uu a um i um har a pheng deuh,mah ti khua dang um hin cuna fawi bak lo. Cu hlan cun mah tein inn i thial i mah tein khuasak timi ka rak duh ngai mi phun asi nain tu cun thil sining ka theih ve cang i a fawi mi rak si lo hih. Mah ah cun a tu hmanh hi ka uu he kan um tti ko nain a har bak!xD Nu le pa ko khi hlam an um hringhran ko nain zei ti awk dah tha rian um nak poah ah cun um a hau ve cang i.

Tuzing khan ka uu he cun lunch ei tti cu kan i tim i breakfast zong ei ta lo bak in paw ttam nawn tein kan ei te lai tiah kan i tim. A dawr kan phak cu ei lawng te kha kan ruat cang,hmanthlak zong ka timh mi zong ka philh dih paw ttam cang ah cun. Kan ei khawh cun dawr ah shopping hna kan tuah i fluffy tak mi angki leng ka hmuh hoi. Atu lio ah a paw tak mi asi leng ah mi mit a laa bak ko. Abik in keimah mit ko hin a ka lak tuk,color tling tein hmanh in ngeih ka duh!haha xD Mah angki leng cu Only timi webbside ah a um lai i a hmanthlak zawn te na hmeh ah a link a chuak tthiam ko lai. Mino he nutung ca he aa tlak bak lai mu. Cun ka angki leng anak mi zong khi ka rak thlah chih i winter zong ah i hruk awk tha tak tiah ka ruah. Aruang cu a lum tuk fawn cun a hruk zong a nuam. Nai hrawng cu mah lawng te khi ka hruk i ka outfits zong ah a tel peng ko khih,a link zong a hmanthlak zawn te tthiamthiam ah a um ve ko lai. Kan shopping khawh cun gym lei ah kan kal i sau ngai kan tuah tuzaan cu. Thaizing lei cun aa cei tak te ko lai hih nainn a nuam phu te s vei kati.

Likes

Comments

Blog kaa tuah nak zong a sau rih lo i cheukhat cu ka kong lam a thei pah mi nan um ko lai nain a theih rih lo mi zong nan um fawn lai caah ka kong tlawmpal theih fian nak ding ah top 20 ka rak tial. Ka timh nak ruang cu ka hawi le cheukhat ka snapchat lei ah ka vun hal tik hna ah tam deuh nih cun nan ka duh piak tuk cun chim rih ko ning law mah tluk hin thazaang ka hmuh lai ti ka rak zum lo,ka ruah nak leng in ka blog nan ka rel piak cun thazaang nan ka pek mi cung ah kalawm tuk hringhran! <3

1. Ka chuah nak khua cu Hakha asi i ka hmet tein Hakha ah a tthang mi kasi.

2. Kum 2009 ah Sweden ka phan i siangin hna ka kai i kum 2016 ah graduated ka la.

3. Ka hngakchiat tein ttamh hi ka rak huam tuk cang i a tu tiang zong hi ttamh lei ah cun ka um har pheng tu pakhat si ve.

4. Fashion lei le inn lei ttamh zong hi ka huam tuk fawn.

5. Hawi le kom he um/vah tti zong ka lak ci tak si cun hawi le he um tti caan ah hin cun kaa nuam khun.

6. Keimah lawng um ka harh ngai aruang cu ka ngamh lo (feeling lonely) phun in um khi ka fawih te.

7. Khualtlawn lei hin cun ka huam pin ah ka uar ci taktak si.

8. Ih cu ka huam bak ko!hehe :D Zingka thawh ah hin cun ka harh ngaingai te.

9. Ka hngakchiat tein Uico le Chizawh hi ka rak duh tuk cang hna,ka upat hnu hin ka duh chinchin hna i hmailei ka timh mi cu mah pahnih ngei hi si ko.

10. Ka tungtai hi a niam ngai 156 cm hrawng lawng kasi.

11. Ei le din lei ah hin cun tam ka ei kho lo mah tik ah na der tuk an ka ti tawn leng mang nain ngandam kha bia pi bik mi si ko .

12. Lai meh ah voksa lai chumh hi ka ei kho lo tak,a thaw kati ti lo.

13. Swedish rawl ah pakhat ka favorite a um i mah cu julbord kan ti X'mas caan ah ei mi pawl rawl asi. Mah caah cun X'mas si lai hi ka ngeih leng mang! :D

14. Thilthar theih/hngalh hi ka duh peng i cawn nak ah lak ka duh tawn peng.

15. Chocolate le candy ti bantuk pawl hi cu ka ei kho hna lo i pahnih hrawng ka ei cun ka za cang.

16. Ka ningzah te hi a fawi ngai te.

17. Plan hi ngei khawh peng ka zuam zei thil ka tuah lai poah ah. Thil hruk lei tiang zong ah hin ka plan ta hmasa hau cu lo cun a tlamtling lo nak tete um tawn peng cuh.

18. Mi hlei dan nak hi ka uar lo ngaingai mi si fawn. Mifim upa hna zong nih mi hlei dan nak an ngeih si cun ka upat kho ti bak hna lo.

19. Hawikom thar ah pa he i komh hi ka harh ngai te,nu he cun ka ton bal lo mi hna zong hmuh bal lo mi zong he ka kom kho taktak hoi fawn.

20. Romantic movie hi ka zoh huam lo cem asi! xD ka zoh huam cem mi cu CARTOON <3 Never too old for disney movie an ti mi khi si ko cu.

Likes

Comments