No er det ei stund sidan sist oppdatering, og mykje har skjedd den siste tida. Det er nok ikkje snakk om veldig viktige og store ting, men ei endring stikk seg ekstra ut. I slutten av februar la eg inn ein søknad til bachelorstudium, og for tre veker sidan fekk eg beskjed om at plassen var min. Om to små dager tar eg med flyttelasset mitt til Oslo, for å studere idrettsvitenskap på Norges Idrettshøgskole.

Som du kanskje då skjønner har dei tre siste vekene (kort og enkelt oppsummert) bestått av jobb og trening, møter, telefonsamtaler, og ein god del rydding/pakking. Det å skulle endre kvardag og rutiner er jammen ikkje gjort over natta! Stipend, buplass, flytting, pensumbøker, endring av avtaler, and so on - det skal jo liksom komme i orden på éin, to, tre. Litt kaos, små tendenser til krisemaksimering, og mindre panikkanfall har oppstått no og då. Per dags dato er heldigvis det meste i boks. Det som gjenstår er vel å flytte inn, og å forstå seg på kollektivtrafikken i Oslo. Eg ser på det heile med skrekkblanda fryd, mykje fordi eg er veldig veldig heimekjær og stor fan av å kunne styre eigen kvardag. Arbeidsplassen min er også heilt fantastisk, og det er i bunn og grunn ingen annan plass eg kunne tenke meg å jobbe. Likevel; utvikling kjem gjennom utfordring, og eg er veldig klar for alt det Oslo og studiekvardagen har å by på. Så, agendaen for dei tre neste åra er storby, studier, trening, og mykje hygge - det blir bra!

Ein liten recap der, gitt - med eit hårete mål om å kanskje få tid til litt blogging i høst. Det er kjekt å sjå at folk klikker seg innom her titt og ofte, og no satser eg på at neste innlegg ikkje blir endå ein recap!

Design bloggen din - velg mellom mange ferdige maler på Nouw, eller lag din egen – pek og klikk - klikk her!

Likes

Comments

Eg får ofte spørsmål frå kunder om proteinpulver er nødvendig for å sikre optimal treningseffekt etter ei økt. For deg som ikkje veit kva proteinpulver er, så er det protein utvunne av kjelder som soya, egg eller melk. Ein fjerner vatninnhaldet frå desse kjeldene, slik at ein til slutt sit igjen med ei pulverform. Det er godt kjent at protein er viktig for å bygge musklar og for å auke styrke, men er det slik at ein treng ekstra tilskot (proteinshake, proteinbar o.l.) av det i samband med trening?

Næringsstoff, vitaminer og mineraler får ein gjennom vanleg norsk husmannskost, og slikt finn ein som oftast ikkje i typiske kosttilskot. Eit kvart kosthald bør basere seg på vanleg mat, og ser ein på nordmenn sitt inntak av energigivande næringsstoff, er det ikkje problem å få i seg for lite protein - gitt at ein har eit vanlig kosthald med kjøtt, fisk, egg, melk og melkeprodukter. Ulike sportsprodukt og kosttilskot skal ikkje erstatte vanleg mat, og dette er fordi desse ikkje inneheld næringsstoff som kroppen er avhengig av. Et du nok mat som inneheld både karbohydrat, protein og feitt er du godt på veg. Stoffet protein finn ein i dei fleste matvarer, slik som kjøtt, fisk, fugl, melk/ melkeprodukt, egg, og bønner - og dette veit vi at det norske folk et mykje av.

Likevel kan proteinpulver vere eit fint alternativ som tilskot der ein person har problem med å dekke inntaket gjennom vanleg mat. Eit eksempel er undervektige mennesker som slit med å få i seg nok næring, samt dei som driv med toppidrett. I samband med dei som trenar mykje vil proteintilskot (proteinshake o.l.) vere praktisk og eit enkelt alternativ framfor det å ikkje få i seg noko anna mat, eller framfor det å ikkje få i seg mat raskt nok mtp. restitusjon i forkant av ei ny økt.

Dersom eg skal komme med ein eigen "konklusjon" vil eg seie at dei aller fleste ikkje treng proteinpulver. Om du er flink med kosthaldet ditt, så er det godt nok. Sjølvsagt; er du aktiv og trenar mykje kvar dag, samtidig som du slit med å ete riktig, kan proteinpulver vere ein fin idé. Også dersom du ynskjer ein lettvint måte å få i deg protein på etter trening. Uansett; proteinpulver skal ikkje vere ei erstatning for vanleg mat, det skal fungere som tilskot om det faktisk er behov for det. Sjølv om eg trenar mykje og dermed har auka behov for protein, er det ikkje slik at eg på død og liv må innta eit høgkonsentrert preparat i pulverform for å få maksimal treningseffekt. Eg brukar proteinpulver i f.eks. havregraut og i bakst, rett og slett fordi det smakar godt.

Referanser

[1] https://helsedirektoratet.no/Lists/Publikasjoner/Attachments/806/Anbefalinger-om-kosthold-ernering-og-fysisk-aktivitet-IS-2170.pdf
[2] http://www.martinnorum.no/2016/06/16/proteinpulverdebatten-trenger-kontekst-nyanse-opplysning-skremsel/
[3] http://www.klikk.no/helse/trening/guide/article548373.ece

Likes

Comments

Som eg skreiv i forrige innlegg er dårlege treningsøkter noko eg har veldig lite overens for, og akkurat no gjeld det same for styrketrening. Og det er heilt i grunn heilt OK, for no er neste treningsperiode planlagt, og styrketrening kjem i andre rekke. Til tross for at eg skal halde fram med nokre styrkeøkter i veka, ligg ikkje fokuset der.

Forrige mandag satt eg meg ned med Sindre Hoff, ein idrettsutøvar frå Sunnfjord, for å få hjelp med planlegging og målsetting. Sindre er det eg vil kalle ein framifrå motbakkeløpar, og deltek regelmessig i internasjonale konkurransar. Han sit inne med både kunnskap og erfaring, samt at han brenn for det han driv med. Sånne personar er det gull å få litt hjelp av. Etter litt om og men blei eg og Sindre einige om mi målsetting, og i månadsskiftet juni/ juli skal eg delta i to konkurranser. Den eine konkurransen har eg vore med på før, og her er planen å slå mi eiga bestetid. Eg er fortsatt litt i tenkeboksen når det kjem til den andre konkurransen , så kva dette er held eg endå litt for meg sjølv.

Sindre Hoff i aksjon, under Stranda Fjord Trail Race, der han stakk av med sigeren.

Mine tanker om målsettinga er at "det her blir skummelt". Likevel veit eg allereie kva eg er god for, og eg veit kva som skal til for at eg skal bli endå betre. Då tenker eg bring it! Om ein gjer det beste ein kan, så er det godt nok. Ein får ikkje gjort stort meir enn det. Mentalitet folkens, det er ein ganske viktig ting.

Vekene framover kjem til å bestå av tre løpeøkter, og tre styrkeøkter. Desse er alle planlagde på førehand, mtp. intensitet, lengde, type trening osv. Litt ekstratrening blir det heldigvis også rom for, men då i form av restitusjonsøkter. Eg har aldri vore særleg flink til å følgje ein plan etter punkt og prikke, så akkurat det blir den største utfordringa no i starten. Eg har likevel stor tru på at det skal gå fint, og motivert er eg - for målet mitt skal eg nå! «Folk sier ofte at motivasjon ikke varer. Nåvel, det gjør ikke tannpuss heller - det er derfor det anbefales daglig». Noko i den dur, iallfall.

SÅ, det var ei litt sein oppdatering frå treningskvardagen min - eg håpar på å få ut litt hyppigare innlegg framover, men lovar likevel ingenting. Ha ein flott mandag alle sammen, med kvile eller trening, eller kva enn det blir til!

Likes

Comments

I eit par veker no har eg tenkt grundig gjennom kva eg vil fokusere på, når det kjem til eiga trening. Det å finne gode treningsmål, både kort- og langsiktige er ikkje berre berre, iallfall ikkje for meg som gjerne vil ha både i pose og sekk. Styrketrening, intervaller på tredemølla, CrossFit-økter!? Sign me up! Det fungerer for ei lita stund, men akkurat no går det utover både treningslyst og treningsglede, på ein mindre god måte. Heldigvis har det endå ikkje gått utover framgong, men kroppen er sliten, og då veit eg at dei dårlege treningsøktene er like rundt hjørnet.

Foto © Rasmus Kongsøre Photography

Og dårlege treningsøkter har eg veldig lite overens for. Så, no tar eg saken i eigne hender, og gjer nokre grep for å bli bedre. Dele opp og konkretisere. Det eg har kome fram til etter mykje grubling, er at kondisjontrening i form av løping, blir fokus og målsetnad framover. Eg ynskjer å auke både fart og lengde på løpeøktene mine, og eg vil kunne delta på eit par konkurranser når sommaren kjem. Eg har litt å jobbe med, og endringar i både trening og kosthald må til. Treningsplanen skal vere klar i løpet av ettermiddagen, med hjelp frå ein som har litt (les: mykje) meir peiling på løpetrening enn kva eg sjølv har. Dette skal eg skrive litt meir om seinare, men aller først må eg få det ned på papir for min eigen del.

Løping er ein ting eg veit eg er god på, men det er også ein ting eg kan bli bedre på. Å trene for å bli bedre, og for å oppleve ny mestring og glede, er det eg er gira på no. Ein blir god på det ein trenar på. Framover blir det litt mindre av alt, og det veit eg blir veldig bra. Samtidig som eg er skikkelig gira på endring, blir det også veldig rart å snu om på treningsvaner og målsetnad. Så no gjer eg meg klar for litt nytt, med både motivasjon og glede i baklomma!

Likes

Comments

Kvar veke passar eg alltid på å få plass til ei eller to intervalløkter i treningsplanen min. Eg har alltid vore veldig glad i å springe, og går som oftast inn for høg puls og maks innsats når eg først set i gong. På lørdag ville eg gjere litt av alt, så då satt eg opp ein fin mix kortintervaller, med varierande stigning og hastigheit. Totalt ca. 60 minutt på mølla, med oppvarming og nedtrapping. Så, her er ei lita utfordring for den som vil prøve seg på økta. Ein liten heads up før du begynner; du treng absolutt ikkje stille mølla inn på same hastigheit som eg gjorde, men hald deg gjerne til same stigning. Eg delte intervalløkta opp i tre ulike delar, og oppfordrar deg til å køyre gjennom minst to av desse. Økta skal vere tung, med input av blodsmak i munnen, sorry not sorry!

Varm opp med 2% stigning og rask gange/lett jogg i ca. 10-15 minutt.

Del 1 - Stigningsløp
Forslag til hastigheit: 11-12 km/t
- 1 min med 3% stigning
- 1 min med 6% stigning
- 1 min med 9% stigning
- 1 min med 11% stigning
- 1 min med 9% stigning
- 1 min med 6% stigning
- 1 min med 3% stigning

Pause: roleg gange/ lett jogg i ca. 3 minutt.

Del 2 - Toppstigning
Forslag til hastigheit: 10 km/t
30 sekund på mølla/ 30 sekund av mølla, med startstigning på 11%. Auk stigning med 0.5% for kvart intervalldrag.
Jobb til siste drag på toppstigning (15%) er fullført. Og du; hugs å puste, ellers tek melkesyra deg.

Pause: roleg gange/ lett jogg i ca. 3 minutt.

Del 3 - Toppfart
Forslag til stigningsprosent: 15%
15 sekund på mølla/ 30 sekund av mølla, med starthastigheit på 10 km/t. Auk hastigheita med 0.2 km/t for kvart intervalldrag. Her held du på til du ikkje klarer meir, og då har du jobba meir enn godt nok.

Avslutt med roleg jogg/rask gange 5-10 minutt. før du seier deg heilt ferdig med økta. Eg presiserer endå ein gong at dette er ei tung intervalløkt, og sjølv var det like før eg daua på slutten. Likevel, som alltid var det fun when it’s done!

Likes

Comments

Personleg trening kan vere alt. Ein treng ikkje sette nokre rammer eller grenser, og det er jo akkurat det som gjer det personleg. Forbetring foran forandring, frå eit eige utgangspunkt. Det handlar om å få noko og å gjere noko som passar til den ein sjølv er, med tanke på eigne føresetnader. Og sjølvsagt med tanke på lyst. Trening skal vere lystbetont, ikkje motsett. Alle er ulike, og alle har ulike grunnar for å trene. Ein må finne det som passar ein sjølv, og det er også difor eg meiner ALLE kan benytte seg av ein personleg trenar. Det handlar om trening som er personleg.

Dei fleste veit jo kva ein personleg trenar er, og kva ein personleg trenar arbeider med og for. Om eg skal presentere ein definisjon kan eg like godt lime inn det som står på Wikipedia; "En trener er en person som veileder og tilrettelegger for andre personer i fysisk aktivitet, eller trening.". Ein veldig diffus definisjon, men om vi skal kalle ein spade for ein spade. Eit slikt svar hadde du likevel aldri fått frå meg, for i mine auger handler personleg trening, og jobben min som PT, om mykje meir enn berre rettleiing og tilrettelegging. For meg dreiar det seg meir om kva ein G O D personleg trenar er.

Photo © Rasmus Kongsøre Photography

"En personlig trener må kunde skape resultater i forhold til dine mål! Personen er god på å se helheten både i og utenfor treningsstudioet, og til å hjelpe deg med å se hva som er realistisk å få til i forhold til ditt liv. Motivere og pushe uten å skrike. Får meg til å yte mer enn jeg trodde jeg kunne, uten at det føles uoverkommelig. En personlig trener får meg til å slappe av og koble helt ut med fullt fokus på det jeg kom for. Min PT har lært meg mange nye øvelser slik at styrketrening har blitt morsomt. Å gi meg kompetanse til å bruke riktig teknikk. Forebygge skade, osv. Jeg er helt over meg av begeistring for hva min pt har gjort for meg! Vanskelig å sette ord på. Fra å være utbrent til å lære hva jeg faktisk kan klare, men at lite er bedre enn mye akkurat nå. Hun har bremset opp istedenfor å kjøre på. Det hadde jeg ikke forventet! Hun har jobbet med å bli kjent med meg både hjemme og på trening for å kunne skreddersy et program til det beste for akkurat meg." - @achi_1983.

Det er viktig å kunne vere audmjuk og imøtekommande, positiv og inspirerande. Det er viktig å kunne sjå kvar enkelt kunde, og å finne styrker og svakheiter når det kjem til både det fysiske og mentale - og å utfordre begge deler. Det er viktig å kunne både lytte og formidle, slik at ein kan vere ein person som andre kan forhalde seg til. Dette og litt til, samt det å kunne vise at ein kan "faget sitt", medan ein også aldri ser på seg sjølv som ferdig utlærd. Summa summarum; for å vere ein god PT må ein inneha evna til å sjå og forstå ein person, på både eit fysisk og psykisk plan. Og deretter kunne skape realistiske mål og resultat. ​Kva meiner du? 

Likes

Comments

Eg veit at eg egentlig ikkje har lov til å klage, men i dag (les: i natt) når eg stod opp 04:45 for å sykle til jobb i heile åtte minusgrader, var det ikkje akkurat hallelujah-stemning på sykkelsetet. Sånn sett er det jo i bunn og grunn ikkje noko synd i meg, ettersom eg sjølv avtaler å ha kunder i gryotta. Så, det må kanskje litt meir til for å få noko sympati her.

Til tross for både lite søvn og ein kald sykkeltur har dagen til no vore ganske grei. Sidan eg var ferdig med den første kunden klokka 07:00, rakk eg å gjennomføre ei lita treningsøkt - og då tenker eg at standarden er satt. 1 time trening, med ein miks av 30/30-intervaller (15 stykk), litt chin-ups m/ ekstravekt, og to skulderøvingar. All fun and games, heilt til eg kom på at eg har ei Crossfit-økt som ventar om nokre få timar. Jaja, det får gå som det går. Eg har uansett fått ein god start på dagen. Det skal ikkje så mykje til, ser du!

Det å køyre gjennom nokre 30/30 intervallar tek ikkje så altfor lang tid, så det blei min lille quickfix i dag. 30 sekund med jobb, og 30 sekund med kvile - as easy as that! I dag brukte eg 15 minutt til oppvarming (nødvendig), før eg satt opp tempoet. For kvar intervall/runde auka eg tempoet med 0.2 km/t, heilt til 15 runder var overstått. Totalt 40 minutt på mølla, derav 15 intensive minutt. Prøv det!

Likes

Comments

God formiddag, alle der! As we speak har eg akkurat fått i meg ein litt sein frukost, etter ca. éin time ute i frisk luft. Det ekstra fine med jobben som PT er at eg, som oftast, kan legge opp dagane mine slik eg vil sjølv, og å begynne seint på mandagar er ein innertiar for meg. I dag blei det 6.5 km jogg i skog og mark, med god musikk frå Spotify. Om éin liten time skal eg vidare på jobb, før det igjen blir endå litt trening; eit kjapp styrkeøkt på overkropp, and that's it. Ha ein super mandag! Og du? Om du treng litt tips til god musikk på trening; sjå nedanfor - desse står på repeat hos meg.

MY FAVORITE RUNNING TRACKS •

Romantic (NOTD Remix) - Stanaj, NOTD
New Man - Ed Sheeran
We Were In Love - Ta-ku
Stay (w/ Alessia Cara) - Zedd, Alessia Cara
It Ain't Me - Kygo ft. Selena Gomez
I Need A Good One - The Avener
Bom Bidi Bom - Nick Jonas ft. Nicki Minaj

Likes

Comments

Over gjennomsnittet sosial i media? Eg er ein flittig brukar av Instagram, Facebook og Snapchat. Avhengig kan ein nok også kalle det, men slik er det vel blitt for dei fleste i det samfunnet vi lev i no. For tida skjer alt på internett og mobil, og over dei siste åra har også alt av trening og helse eksplodert på slike stader! Eg vel å sjå på akkurat det som ein positiv ting, sidan eg jobbar med nettopp dette; trening. Kvifor sjå negativt på noko som kan vere positivt?

For ei lita veke sidan oppretta eg ei eiga Facebook-side, ift. jobben min som PT. Spennande, men også litt skummelt. Facebook er vel den arenaen som er størst i sosiale media, per dags dato. Blogg har eg prøvd meg på ved fleire anledningar, men tidlegare har tida sett ein stoppar for videreføring på den arenaen. No derimot skal eg tvinge meg sjølv til å finne nok tid, iallfall til å komme skikkelig i gong. Når det er gjort gler eg meg til å dele både innlegg, tips og triks, og litt anna med dei som vel å følgje med på det eg legg ut.

I skrivande stund ligg eg i senga, klar for litt søvn, før den nye veka set i gong. Det er eg nok ikkje aleine om, ettersom klokka snart har passert 23:30. Difor tenker eg det kan vere ein lur ting å allereie runde av dette innlegget, med lovnad om eit nytt i morgon. Ha ein ellers fortsatt fin kveld, og fyr laus med spørsmål om det skulle vere noko. God natt, og sov godt - vi bloggast, som sagt, allereie i morgon! 

Likes

Comments