Tuni cu voidang nak in thil a tlamtling deuh ngai cang cu hlei ah ka tuah tawn mi tuah zong ka lung tho than cang fawn. Mah ti ka chim tik ah zei ko dah a cang hnga tiah nan ruah ko lai dah. Nai hrawng cu thil a tlamtling lo nak tete a tam ngai cun rian lei zong in extra hna ka tuan tik ah, ka blog thlah ka timh mi le ka ruah mi pawl zong ka rak thlah kho hna lo. Rak update hrim khi ka lung ah a chuak lo ka problem te nih a ka nenh ngai caah. Nain a phung si ko a caan cun nuamh nak kan ton caan um lai i ngaihchiat nak kan ton caan zong a um lai. Tuzarh chung cu rian lei zong in siseh gym zong in i dinh dih i inn lei tu ah ka tlung. Rian ttuan lo bak khi ka tim rengreng cun kanu zong inn lei a tlun lio te asi ve i kan i hmuh lo nak zong a sau tiah a um lio te ah um ve khi ka duh le nizaan monday ah khan ka tlung. Inn ka phak cun ka tha a dam ning le ka thinlung a dam ning. Inn chung ka luh le cang kaa in kanu nih cun a ka kuh colh hin cun ka thinlung a dam tuk,mah te cu ka rak herh bik mi a rak si ko rua. Har nak kan ton caan te ah kan nu le sin te kan um hin cun hna a ngam tuk hringhran ko.

Ca tam tial lo in ka outfit hmanthlak tu tam deuh ka rak thlah lawlaw! :D Cun Phun 20 keimah kong ka tial mi ah khan tam deuh tial seh ti aka duh piak mi nan um pah caah next time ah ka tuah than lai. Nain a tuten cun Q&A phun tu in ka tuah lai caah questions tu in rak ka hal te uh law tiah kan sawm hna! <3

Ka social media tu ah hal khawh si! <3

Facebook : Anusung Darkhua

Instagram : Anusung_darkhua

Snapchat : Anusung

Blog using your mobile phone - One of the best blogging apps on the market - Click here

Likes

Comments

Contains affiliate links

Blog ka thlah lo nak ni 5 te lawng asi ko nain sau tuk te bak ka lawh ter ka rian ka dinh caan a sau bia maw si hnga zei dek. Tuzing cu ruah lo piin ka uu he dawr ah rawl kan ei i va i chawh pah dingin ka sawm. Rian ttuan lo caan ah hin cun tuah ding tak hi theih asi lo,hawi le he i ton ti ah le khua dang um cun aa tong kho hoi lo. Van that ah ka uu a um i um har a pheng deuh,mah ti khua dang um hin cuna fawi bak lo. Cu hlan cun mah tein inn i thial i mah tein khuasak timi ka rak duh ngai mi phun asi nain tu cun thil sining ka theih ve cang i a fawi mi rak si lo hih. Mah ah cun a tu hmanh hi ka uu he kan um tti ko nain a har bak!xD Nu le pa ko khi hlam an um hringhran ko nain zei ti awk dah tha rian um nak poah ah cun um a hau ve cang i.

Tuzing khan ka uu he cun lunch ei tti cu kan i tim i breakfast zong ei ta lo bak in paw ttam nawn tein kan ei te lai tiah kan i tim. A dawr kan phak cu ei lawng te kha kan ruat cang,hmanthlak zong ka timh mi zong ka philh dih paw ttam cang ah cun. Kan ei khawh cun dawr ah shopping hna kan tuah i fluffy tak mi angki leng ka hmuh hoi. Atu lio ah a paw tak mi asi leng ah mi mit a laa bak ko. Abik in keimah mit ko hin a ka lak tuk,color tling tein hmanh in ngeih ka duh!haha xD Mah angki leng cu Only timi webbside ah a um lai i a hmanthlak zawn te na hmeh ah a link a chuak tthiam ko lai. Mino he nutung ca he aa tlak bak lai mu. Cun ka angki leng anak mi zong khi ka rak thlah chih i winter zong ah i hruk awk tha tak tiah ka ruah. Aruang cu a lum tuk fawn cun a hruk zong a nuam. Nai hrawng cu mah lawng te khi ka hruk i ka outfits zong ah a tel peng ko khih,a link zong a hmanthlak zawn te tthiamthiam ah a um ve ko lai. Kan shopping khawh cun gym lei ah kan kal i sau ngai kan tuah tuzaan cu. Thaizing lei cun aa cei tak te ko lai hih nainn a nuam phu te s vei kati.

Likes

Comments

Blog kaa tuah nak zong a sau rih lo i cheukhat cu ka kong lam a thei pah mi nan um ko lai nain a theih rih lo mi zong nan um fawn lai caah ka kong tlawmpal theih fian nak ding ah top 20 ka rak tial. Ka timh nak ruang cu ka hawi le cheukhat ka snapchat lei ah ka vun hal tik hna ah tam deuh nih cun nan ka duh piak tuk cun chim rih ko ning law mah tluk hin thazaang ka hmuh lai ti ka rak zum lo,ka ruah nak leng in ka blog nan ka rel piak cun thazaang nan ka pek mi cung ah kalawm tuk hringhran! <3

1. Ka chuah nak khua cu Hakha asi i ka hmet tein Hakha ah a tthang mi kasi.

2. Kum 2009 ah Sweden ka phan i siangin hna ka kai i kum 2016 ah graduated ka la.

3. Ka hngakchiat tein ttamh hi ka rak huam tuk cang i a tu tiang zong hi ttamh lei ah cun ka um har pheng tu pakhat si ve.

4. Fashion lei le inn lei ttamh zong hi ka huam tuk fawn.

5. Hawi le kom he um/vah tti zong ka lak ci tak si cun hawi le he um tti caan ah hin cun kaa nuam khun.

6. Keimah lawng um ka harh ngai aruang cu ka ngamh lo (feeling lonely) phun in um khi ka fawih te.

7. Khualtlawn lei hin cun ka huam pin ah ka uar ci taktak si.

8. Ih cu ka huam bak ko!hehe :D Zingka thawh ah hin cun ka harh ngaingai te.

9. Ka hngakchiat tein Uico le Chizawh hi ka rak duh tuk cang hna,ka upat hnu hin ka duh chinchin hna i hmailei ka timh mi cu mah pahnih ngei hi si ko.

10. Ka tungtai hi a niam ngai 156 cm hrawng lawng kasi.

11. Ei le din lei ah hin cun tam ka ei kho lo mah tik ah na der tuk an ka ti tawn leng mang nain ngandam kha bia pi bik mi si ko .

12. Lai meh ah voksa lai chumh hi ka ei kho lo tak,a thaw kati ti lo.

13. Swedish rawl ah pakhat ka favorite a um i mah cu julbord kan ti X'mas caan ah ei mi pawl rawl asi. Mah caah cun X'mas si lai hi ka ngeih leng mang! :D

14. Thilthar theih/hngalh hi ka duh peng i cawn nak ah lak ka duh tawn peng.

15. Chocolate le candy ti bantuk pawl hi cu ka ei kho hna lo i pahnih hrawng ka ei cun ka za cang.

16. Ka ningzah te hi a fawi ngai te.

17. Plan hi ngei khawh peng ka zuam zei thil ka tuah lai poah ah. Thil hruk lei tiang zong ah hin ka plan ta hmasa hau cu lo cun a tlamtling lo nak tete um tawn peng cuh.

18. Mi hlei dan nak hi ka uar lo ngaingai mi si fawn. Mifim upa hna zong nih mi hlei dan nak an ngeih si cun ka upat kho ti bak hna lo.

19. Hawikom thar ah pa he i komh hi ka harh ngai te,nu he cun ka ton bal lo mi hna zong hmuh bal lo mi zong he ka kom kho taktak hoi fawn.

20. Romantic movie hi ka zoh huam lo cem asi! xD ka zoh huam cem mi cu CARTOON <3 Never too old for disney movie an ti mi khi si ko cu.

Likes

Comments

Contains affiliate links

New Week!!!! Monday ah blog ka thlah lai tiah ka timh mi cu ka vak tuk hoi i ka thlah thiam ti lo ai nain a caan cun rian hna off caan ah hin cun vah pah ding zong khi siko! xD Ka Monday le Tuesday tu rak fonh ning law. Kan hnu zarh chung kha cu rian lawng te bak ttuan i si thluak le taksa lei he ai ba bak, mah lio caan i inn lei te ah tlun hnangam tak in i dinh a va nuamh khawh ning khi. Atu ten hi lash extensions tuah ka rak i timh si i ka thin a phang ngai te kaa tuah hlan kha cu. Aruang cu voikhat ka rak i tuah bal cang i ka lung a rak tling lo tuk i mah bantuk hna a si than sual lai tiah. Nain tu ten cu a ka lungtling bak, mascara thuh ah buai len hau ti lo. Lash Extension a that nak cu caan a la tuk ti lo macara thuh tluk in cun hna zong a thiang tuk fawn. Zoh khanh bal te cu a fawi pah lo, nain sau deuh aa tuah mi caah cun zoh khanh a fawi deuh kho mi si ko.

---------------------------------------------------------------------------------------------------------------------------------------------------Nikhat ni hi cu zei pipa a cang tuk lem lo normal khi asi ko nain ni hnihni bal te hi cu special ngai,lunglawmh ni kan ti lai maw!:) Tuzing cu nikhua a tha khun a lum zong a lum deuh ngai hi bantuk nikhua a that caan ah hin cun lunghtin a nuam taktak. Coffe din lo hmanh ah humor a tha cia cang. :D Kei hi a caan cun zingka thawhka coffe si lo pakhat khat ei ta din ta lo cun a sisi kho bak loh. A caan cun GoodMorning ti zong hin ka ti kho hna lo,keimah ban tuk a si ve mi nih cun nan theihthiam ko lai! Van tha ah keimah lawng ka si lo in cheukhat ka theih hngelh mi pawl zong hi an si pah ve ko hna le a poi lem loh!.:D

Tuzing cu tuan ah kan tho i breakfast hna cu kan ei hna i kan bia cu a sau hoi le sau ngai kan thu hoi hna. Hmailei khualtlawn ding kong hna bia ruah ah hin cun a dong ti lo. Tlawn khawh rih lo tal hmanh ah i ruah tal i ruah pah zong hin a nuam ngai ko. Tuni hi a special ngai tiah ka ti mi cu ram dang kan um kan ti ko nain rian hmuh timi a fawi hrimhrim lo. Nain tuni cu ka hawi Dawtdawt a rian ttuan nak lei in phone a vun chawnh cu thawngpang tha taktak kan theih hin cun kan pahnih in lawmh nak in a khat ko. Bia chim awk hna zong theih si lo a sunglawi tuk ning khi mu. A nih zong a rian ttuan nak lei ah lung nuam tak in a va tuan ve keizong lungnuam tak inn lei ah ka ka ttin ve. Keimah ko nih ka ton mi khi ka lawh ter tuni cu xD A caah kalawm tuk bia khi! Hehehe

Likes

Comments

In cooperation with Metapic
Ka voikhat nak Blog ka tuah kaa ah hawi le thazaang nan ka pek mi cung ah kalawm tuk! Keimah zong tuah/tial ka lung a tho chinchin cang! :D A tu ten i ka thlah mi pawl hi cu khuasik deuh caan ah hruk ding outfits pawl hi an si lai. Winter khuasik ngai taktak hi cu kan phan rih lo tik ah Autumn le Spring season caan zong ah hruk khawh si tiah ka ruah mi pawl an si.

Mah Thil puan pawl vial te hi an um nak website an i khat cio hna lo caah a link pawl tu kha a hmanthlak zawn te hmeh ah a link a rak chuak ko lai. Kei mah hrim nih ka cah tawn nak website an si i an that pin ah an thil pawl zong an i dawh tuk fawn hna. <3 Ka favorite Na-Kd.com an thil pawl hi cu wow an si ko quality zong an tha cun a phak zong a rang, ka recommend bak! :D

Likes

Comments

Hola Hola! Finally ti bak khi asi ko,tuni bak in Blog tuah ka timh asi! Cu hlan chung zong ah timh tuah nak le ruah nak hi ka ngeih nak sau ngai cang ko nain caan ka pe kho deuh tawn lo. Zei holh in dah ka tial lai timi te nih hin a ka lak lawh ter ngai cuh! :D Mirang holh le swedish holh in blog tuah hin cun confidents ngeih taktak ta hau, kei hi ka ngei deuh vak rih rua lo! hehe... Hmailei cun sweden holh maw mirang holh maw mah pakhat khat cun ka tial te ko lai. <3 Laica in tial ka timh mi aruang cu ka social media lei hin laimi deuh hi a si caah a rel tu hna siseh keimah ca hrim zong hin a fawi deuh lai tihi ka ruah.

Mah ka blog ah ka thlah ding mi pawl hi cu Fashion,Outfits,Lifestyle le adang idea lei phunphun thla hi ka tim, Idea ka ti tik ah event phunphun caan i laksawng pek ding idea zong a si kho ko decoration lei zong in hin a si kho ko.

Ka voikhat nak blog tial a si lai caah a tlamtlin lo nak a tam pi ko lai nain ka si khawh tawk tein ka rak i zuam ve lai :D nan ka rel piak nak le thazaang nan ka pek lai ding in kan sawm hna. Ka blog ah rak ka leng peng uh law tiah kan sawm duh hna! <3 <3 <3

Likes

Comments